رثاء معشوق

تقوللي أنا ،أنا المآساتى مابتتقال

بقيت أحسب عميرى الفات عزب لا حفلة لاشبال

لقيت الراح كتير وكتير ومرقت لازوجة لاأطفال

ترانى وسط مهب الريح مريكب لافها الشلال

بقيت مسحور عيونك ديل ،أتحجرت بقيت تمثال

******* ******* ******

أنا الجربت مآسى الغى تعالى شوفى كيف حفن كرعى

وأنا أتبشتنت ياخلاى فوق درب الفريع النى

بقت لى مع العيون قصة مخلفة فوق جروحى الكى

خيالهن مادوام نافر يحلق في خلاه الصى

ولاقادر أفيق وأرجع ولا قادر أدارى البى

وأشوف غيمك أنا العطشان وأقول هسع يجينى الرى

******* ******* *******

ياحليلى أنا حليل أيام سعادتى معاك

وكت كان الزمن بسام يشاور لى دوام ضحاك

يضمنا كان هدوء الليل ولاحس همسه لاكوراك

لقيت تب ياقلب زولك وبعد وجعك لقيته دواك

******* ******* *******

طريت السمحة بين أهلها وكت تنزل وكت تتطلع مع الحوب أجتمع شملا

تمد أيديها للمنقه وتداعب للجريد وماهماها زولا"فات يقاسى الغربة من أجلا

ماخلانى أبتليت بريدة وأفتل فى حبال رملا

كمان خايف الجنون يحصل وتفوت عقليتى بعدلا

بوريكم مآسى غرامى عشتها عمرى كان تمنها

__________________

**THE BIG BOSS** . 177 26/07/2009 SANA'A

ما لي في الشعر
لكن كلام مؤسس
دمت كما تحب يا برنس

رثاء معشوق

رثاء معشوق

رد: رثاء معشوق