منتديات الإتحاد العام للطلاب السودانيين باليمن


عزيزي الزائر اهلاً وسهلاً بزيارتك شرفتنا
وتنورنا اكتر بتسجيلك والإنضمام لأسرة الاتحاد العام للطلاب السودانيين باليمن

الحلقه الخيره وماتحرمونا من رأيكم

استعرض الموضوع السابق استعرض الموضوع التالي اذهب الى الأسفل

default الحلقه الخيره وماتحرمونا من رأيكم

مُساهمة من طرف البرنــــــــــس في الأربعاء أغسطس 26, 2009 8:29 am

هي ماله مابتجيني الغبيانه انا مافي عرس ولدها مشيت ليها تمشي بطنها
علويه تلوم في ست النساء جارتها لي نوال
نوال
والله ياعلويه ياختي الزمن ده الماجاك ريحك
تقاطعها علويه
راحه ابديه شاحده ربي عليها
هنا تدخل زينب الوداعيه وقد عرفت بنقل الشمارات وحبك الفتن والمشاكل
وقواله شديد كما تقول عنها علويه
زينب وووووووووووووووووووووووب علي ياعلويه ياختي مابتستاهلي
علويه
والله يازينب مستوره بت الرضي دي متيمنه مابخليها
زينب
خليني من مستوره سمعتي بي محمد ود السره
علويه
مالو
زينب
ماعرس في بلد الخواجات
نوال
دحين هو ماكان خاطب بنيه ام الحسين
علويه
انتي مجنونه يانوال يعرس ليها شنو دي عيونها واحده تعوس والتانيه تفرك (كنايه عن الحول )
زينب
ههههههههههه صدقتي يا اختي
لكن قولي لي خبر التومه شنو راجلها ما رجعها
اهتاجت علويه فقد احست بالسخريه في كلام زينب
زيينب هووووووووووووي ارعي بي قيدك ولا هسي يدي دي تاباكي نوال
زينب عليك الله ماتفتحي موضوع التومه ده ارجوك
زينب
اها ياجماعه ما التومه دي خليته انتو اخر اخبار ممدوح وسهام شنو ؟
هنا ابتسمت علويه وتمطت فقد وجدت ميدانا يمكنها من ابراز مواهبها المتعدده فقالت مخاطبه نوال وزينب
سهام قالو غاشه علي ممدوح وبتاكل قريشاتو ساي سهام عويره تعرس ممدوح اخوانو فريق قومي ناقص فنايل
ضحكت زينب وقالت
امانه العازه ام ممدوح دي ماولاده
نوال
ههههههههههههه من شده اولاده ماكتار واحدين لامن سمتهم بي ممدوح ومسنوح ههههههههههههههههههههههه
علويه
هم زاتهم ناس العازه ديل ما سودانيين حرين ديل لاجئين ملخبتين ساي
زينب
ودعتكم الله انا ماشه ابو وليداتي قرب يجي والملاح ماسويتو اها اعفو مني
خرجت زينب متجهه الي العازه لتسرد لها مادار بينها وبين علويه ونوال فهاجت وماجت وحشدت اولادها الكتار ديك وعلي بيت علويه عدل
ولكم ان تتوقعو النهايه براكم
avatar
البرنــــــــــس
.
.

74
29/07/2009
مكان الإقامة صنعاء
المزاج : زهجااااااااااااان

الرجوع الى أعلى الصفحة اذهب الى الأسفل

default رد: الحلقه الخيره وماتحرمونا من رأيكم

مُساهمة من طرف THE BIG BOSS في الخميس أغسطس 27, 2009 4:50 am

شكرا يا برنس على المسلسل الرائع ,,,
انا افتكرت الحكاية كملت عند الحلقة التالتة (امس)..
مزيدا من العطاء يا برنس....

_________________

avatar
THE BIG BOSS
.
.

177
26/07/2009
مكان الإقامة SANA'A

http://syetehad.alafdal.net

الرجوع الى أعلى الصفحة اذهب الى الأسفل

default رد: الحلقه الخيره وماتحرمونا من رأيكم

مُساهمة من طرف مجاهد عبدالرحيم في السبت أغسطس 29, 2009 9:47 pm

سيناريوا اكتر من رائع ... ناقصاك كم كمرة وكم مايك ولمبتين وتلاتة مرايت(يعكس الاضاءة) ونشوف ليك اربع تنفار من الجالية Laughing

_________________


avatar
مجاهد عبدالرحيم
.
.

67
18/08/2009
مكان الإقامة المكلا
المزاج : معتدل جداً

الرجوع الى أعلى الصفحة اذهب الى الأسفل

default رد: الحلقه الخيره وماتحرمونا من رأيكم

مُساهمة من طرف البرنــــــــــس في الأحد أغسطس 30, 2009 2:20 am

ههههههههه طوالي يا مجاهد ماعندنا اي مانع لكن تكاليف التوزيع عليك
اشكركم على المرور ودمتم.....
avatar
البرنــــــــــس
.
.

74
29/07/2009
مكان الإقامة صنعاء
المزاج : زهجااااااااااااان

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى