منتديات الإتحاد العام للطلاب السودانيين باليمن


عزيزي الزائر اهلاً وسهلاً بزيارتك شرفتنا
وتنورنا اكتر بتسجيلك والإنضمام لأسرة الاتحاد العام للطلاب السودانيين باليمن

احذر عيشه العزابه

استعرض الموضوع السابق استعرض الموضوع التالي اذهب الى الأسفل

default احذر عيشه العزابه

مُساهمة من طرف جيفارا في السبت أغسطس 22, 2009 6:20 am



أقولها ليك نصيحه يا بابا

أحذر جيرة العزابه

أهل الضمنه و والكتشينه

ديل أهل الطباع الشينه

ليهم مره نحنا مشينا

لا إتغدينا لا إتعشينا

***

لو وقعت ما بتنحل

حتي إن كان بقيت ذي بله

ديل القوم في أي محله

نص الليل بشدو الحله

***

يعبو البيت ذي الباخره

ما بعرفو السراير الفاخره

دفاتر الكل عليهم ساخره

أصلو خلاص بقت دين آخره

يخلو البيت مبشتن ديمه

يدخلو فيهو عده قديمه

كمان لو فيهو شجرة نيمه

يكون وسخان و حالتو أليمه

***

الملايه ما ما مفروشه

و جوه الأوضه قامت كوشه

ست البيت تكورك فيهم

ديل يا أخواننا ضربوا قروشها

زحمه شديد في الشماعه

ريحه كريهه في البلاعه

ديل في الحله عملوا مجاعه

شفطو القدره في نص ساعه

ضد العرس رفعوا الرايه

ديل إنحلوا من الدايه

لا تطعيم كمان و لا رعايه

ما في كرامه و لا سمايه
lol! lol! lol!
avatar
جيفارا
.
.

42
04/08/2009
مكان الإقامة صنعاء
المزاج : ملعقتين سكر

الرجوع الى أعلى الصفحة اذهب الى الأسفل

default رد: احذر عيشه العزابه

مُساهمة من طرف THE BIG BOSS في السبت أغسطس 22, 2009 6:26 am

اعتراااااااااااااض وبشدة ,,
دا شنو الكلام دا يا جيفارا ,,,
اي يواحد يقرى الكلام دا بيقول انت ما عزابي ,,,,
خلي زيتنا في بيتنا ,,,,,
تــــــــــــــسلم ,,,
avatar
THE BIG BOSS
.
.

177
26/07/2009
مكان الإقامة SANA'A

http://syetehad.alafdal.net

الرجوع الى أعلى الصفحة اذهب الى الأسفل

default رد: احذر عيشه العزابه

مُساهمة من طرف البرنــــــــــس في الأربعاء أغسطس 26, 2009 1:43 pm

عيب عليك والله ياجيفارا كده بتطعن فينا كلنا وخللي الطابق مستور
avatar
البرنــــــــــس
.
.

74
29/07/2009
مكان الإقامة صنعاء
المزاج : زهجااااااااااااان

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى